محامي سعودي في مدينة جدة يقدم مجموعة من الخدمات والاستشارات القانونية لمختلف مناطق المملكة العربية السعودية

الثلاثاء، 13 ديسمبر 2022

محامي مصري يتحدث عن كل مايخص المال الشائع

محامي مصري يتحدث عن كل مايخص المال الشائع

محامي مصري يتحدث عن كل مايخص المال الشائع
محامي مصري يتحدث عن كل مايخص المال الشائع

#معلومه_عنب
سالخير ع الكل ...
فيلم الاخوه الاعدااااااااء 
هنناقش النهاردا كل مايخص المال الشائع من بدايته لحد ماننهي الحاله دي خااااالص .. ركزوا معايا عشان الموضوع دا تقيييييييل اوي بس انا هابسطهالكوا جدااا ....
قبل مانبدا بعرض الفيلم هانقول شويه خطوط عريضه اللي هايتناولها الفيلم بتاعنا ... 
بدايه نشاه المال الشائع .. اداره المال الشائع .. تهيئه المال الشائع ....التصرف ف المال الشائع .. انهاء حاله الشيوع بنوعيها ... القسمه بنوعيها 
كلوا يحضر الفشار ويطفي النور عشان الفيلم دا حلو اووووي 
الابطال حسب الظهور ...
الحاج فهمي .. الاب 
علي .. الابن الاكبر 
محمد ... الابن الاوسط 
بهاء .. الابن الاصغر 
الراوي .. عثمان احمد .. العبدلله 😀


الشخصيات دي هي ابطال الفيلم بتاعنا ...بتدور احداث الفيلم ان الحاج فهمي راجل عجوز قرب ع الموت وساب عياله التلاته علي ومحمد وبهاء .. وكان عنده بيت وارض زراعيه ملكه مسجلين الملكيه هو .. وكان بيحب علي ابنه اكتر عن بقيه عياله لانه الكبير والعاقل والكلام اللي اتهرس قبل كده ف كل الافلام العربي الحمضانه .. فهمي لامم عياله حواليه وهو راقد ف السرير وشكله كان بيخلص .. وقام قايل لعياله اطلعوا بره عاوز اكلم علي كلمتين .. طبعا محمد وبهاء اتضايقوا اوي .. اتاري الحاج فهمي اللي مايعرفش ربنا كان عاوز يكتب جزء من تركته لعلي ..


 بس احنا كنا قولنا ان علي عاقل ورزين .. علي رفض وقال لا يابا ماتخالفش الشرع واخواتي والكلام دا .. بس علي عمل كده لانه مش متقي يعني .. لا دا كان مقلق من اخواته برضو لايعملوا فيه حاجه .. ف نص الكلام دخل محمد وبهاء وخربوا الدنيا لما سمعوا الكلام دا لانهم كانوا واقفين ورا الباب وسمعوا كل شي .. وخصوصا بهاء لانه عيل لبط شويه وبتاع مشاكل ماهو الصغير المتدلع ومش هامه حد .. المهم الحاج فهمي وهما حواليه .. فجاه هووووب طلع السر الالهي .. علي زعل ومحمد وبهاء مثلوا انهم زعلانين .. 


وشوف ولادب الكلب ابوهم لسه ماربعنش .. راحوا لعلي وقالوله عاوزين نقعد ونشوف هانعمل ايه علي قالهم انتوا بتقولوا ايه دا وقته يعني .. المهم عملوا اعلام وراثه وخلوه معاهم ولموا كل المستندات بتاعت الملكيه للبيت والارض وامنها بدات حاله الشيوع بين الاخوات التلاته .. الواد بهاء كان عاوز ياجر الارض الزراعيه اللي ف البلد عشان عاوز فلوس لانه مدمن طلع ع البلد واجر الارض الزراعيه كلها .. محمد وعلي عرفوا راحوا طالعين ع البلد بسرعه واتاكدوا ان بهاء اجر فعلا الارض دي .. راحوا رافعين عليه وع المستاجر دعوي بطلان لانه ب كده اتصرف ف ملك الغير ... وبالفعل كسبوها لانها دعوي مش محتاجه لكلام .. المهم بهاء اتجنن جدااا وقالهم لا احنا كده نقسم وكل واحد يشوف حاله .. محمد وعلي قالوا لا احنا عاوزين كل شي ع وضعه .. واحنا هاندير البيت والارض ع وضعهم ونستنفع من اللي يجي منهم .. خدوا بالكوا هنا من شي .. 


ممكن الاخوات التلاته يوكلوا واحد منهم يدير المال الشايع .. او الاغلبيه تدير حتي لو الباقي ماوافقش بس بشرط التلتين يوافقوا .... والاداره هنا مش نقل ملكيه عشان بس نفرق بين التصرف والاداره .. 


المهم ... كلهم خونوا بعض .. وقالك لا كلنا ندير سوا واي عقد او ورقه نمضي عليها احنا التلاته ... بس الاسف كل مايجي حد ياجر شقه ولا الارض .. واحد منهم يختلف ويقولك لا .. ماهو نظام خالف تعرف وهما ولاد كلب اصلا ... المهم قالك احنا هانعمل حاجه اسمها تهيئه .. التهيئه دي بتكون نوعين زمانيه ومكانيه .. يعني ايه .. التهيئه الزمانيه دي ان كل واحد يستنفع بالورث كله لوحده لمده سنه مثلا واللي بعده ياخد مكانه وهكذا .. والتهيئه المكانيه دي انهم يقسموا الحاجه بينهم وكل واحد فيهم يستنفع بيها لوحده .. بس بشرط .. التهيئه المكانيه تنفع لو الشي قابل للقسمه .. اما لو مش قابل للقسمه ماتنفعش ... المهم نرجع تاني ... جم يقعدوا عشان يتفقوا ع التهيئه الزمانيه كل واحد فيهم قالك لا انا الاول انا الاول .. شغل عيال بقي .. المهم محمد وبهاء شغلوا دماغهم ع علي .. وقالك احنا نبيع .. واحد يطلع يقول ماينفعش ماهو علي مش موافق .. اقوله لا ياحماده ينفع .. ق . المدني قالك لو الشركاء ع المال الشايع لو نسبتهم ٧٥℅ او اكتر يبقي التصرف دا قانووووني ١٠٠℅ .. المهم علي عرف بالموضوع دا راح جاري ع المحكمه بسرعه قبل مااخواته يبيعوا وبدء يمشي ف اجراءات دعوي فرز وتجنيب ... وهنا خدوا بالكوا من شي .. الدعوي دي ليها كام تركايه كده ... اولا لازم يكون العين المشاعه مسجله .. وبعض المحاكم يقولك اشهر الصحيفه والبعض يقولك لا ... المهم والاهم من كل دا بعد مابتخلص دعوي الفرز والتجنيب لااااااااااااازم تشهر الحكم عشان الحكم دا بينشي حق عيني عقاري ..


المهم نرجع تاني ... علي كان ممكن يقعد مع اخواته ويعمل عقد قسمه اتفاقي .. لكن بسبب دقه النقص انهم كانوا هايبيعوا غصب عنه ومكنش هايقدر يعمل حاجه ف خدها من قصيره وراح عمل الفرز والتجنيب ...وكل واحد خلص الورث بتاعه من التاني وبقي ف حاله ومن ساعتها وهما مش بيتعاملوا مع بعض ... 

اخر حاجه احب اقولهالكوا .. دعوي الفرز والتجنيب تنفع .. لو المال الشايع قابل للقسمه .. طب لو مش قابل للقسمه .. بنرفع مكانها دعوي تصفيه المال الشايع .. ودا بتكون اننا بنجيب خبير يثمن المال دا وننزله مزاد علني .... يارب نستفاد كلنا واكون قدرت اوصل معلومه بسيطه .. انا حبيت انزل دا النهاردا لاني مش عارف ظروفي بكره هاتبقي ايه
المحامي عثمان احمد 
المكان: Jeddah Saudi Arabia

0 التعليقات:

إرسال تعليق

افضل محامي بجده في المملكة العربية السعودية لتقديم كافة الخدمات القانونية والشرعية امام كافة المحاكام العاملة في السعودية والدوائر القضائية ذات الصلة .. فريق من افضل واكفئ المحامين بانتظار استشاراتكم والتوكل عنكم في مختلف القضايا الشرعية والنظامية والتجارية والجنائية بواسطة افضل محامي في جدة ..

http://bestlawyerjeddah.blogspot.com
...........

https://www.facebook.com/افضل-محامي-في-جدة-1925586761008377/
http://www.law-arab.com/p/bestlawyers-in-jeddah.html

..........
http://www.law-arab.com/p/best-lawyer-in-riyadh.html
http://bestlawyers-in-jeddah.law-arab.com/2016/09/lawyer-jeddah.html

.........
http://www.law-arab.com/p/bestlawyers-in-jeddah.html
............

يتم التشغيل بواسطة Blogger.
Scroll To Top